निजामति कर्मचारीले पाउने बिदा (नि.से.ऐ. २०४९,दफा ७१)
- भैपरी आउने र पर्व विदा
- घर बिदा
- बिरामी बिदा
- प्रसुति बिदा
- प्रसुति स्याहार बिदा
- किरिया बिदा
- अध्यन बिदा
- असाधरण विदा
- बेतलबी बिदा
- सट्टा बिदा
भैपरि आउने र पर्व बिदा – नियम ५६
- मौखिक अनुरोधको आधारमा पनि बिदा लिन सकिने
- ६/६ दिन गरी जम्मा १२ दिन बिदा लिन सकिने
- आधा दिन पनि लिन सकिने
- यस्तो प्रकृतिको बिदा सञ्चित गर्न भने सकिदैन्
घर बिदा -नियम ५७
- १८० दिन सम्म सञ्चित गरेर राख्न मिल्ने यो बिदा काम गरेको
- अवधिको १२ दिनको १ दिन का दरले १ बर्षमा ३० दिनसम्म पाइन्छ
- ७ दिन भन्दा बढि घर बिदा बस्नुपर्ने अवस्थामा बर्षको १ पटक बाटोको म्याद समेत पाइने
- हिँउदे वा बर्खे बिदा पाउने कर्मचारी ले भने यो बिदा पाउने छैनन्
बिरामी बिदा -नियम ५८
- सञ्चित गरेर राख्न मिल्ने यो बिदा प्रत्येक बर्ष १२ दिन पाइन्छ
- यदी सञ्चित बिदा ले नपुगेको खण्डमा १२ दिन पेश्की बिरामी बिदा लिन मिल्ने,
- यदी पेश्की बिदा ले पनि नपुगेमा चिकित्सक को सल्लाह अनुरुप ४५ दिन बिदा लिन सकिन्छ
- यदी ४५ दिन को बिदा ले पनि नपुगेमा मेडिकल बोर्डको सिफारिसमा असाधारण विदा बाट कट्टा हुने गरी थप १ बर्षको बिरामी बिदा लिन मिल्छ
- जम्मा भएको बिरामी बिदाको रकम अवकाश भएका बखत खाईपाई आएको तलवको दरले एकमुष्ट प्राप्त हुने
प्रसुति बिदा -नियम ५९
- निजामति कर्मचारी प्रसुति भएमा निजले प्रसुति बिदा पाउने,
- सुत्केरीको अघि वा पछि गरी जम्मा ९५ दिनसम्म यो विदा पाइने
- प्रसुति बिदा लिएको महिला कर्मचारीले चाहेमा कुनै पनि बिदाबाट कट्टा नहुने गरी थप ६ महिना बेतलवी प्रसुती बिदा लिन सक्ने ।
- बेतलवी प्रसुति बिदामा बसेको अवधि सेवा अवधिमा गणना भने गरिन्छ
प्रसुति स्याहार बिदा-नियम ५९-क
- कनै पनि निजामति कर्मचारी की श्विमति सुत्केरी भएमा निजले १५ दिन प्रसूति स्याहार बिदा पाउने व्यवस्था रहेको छ ।
- यो बिदामा बस्ने निजामति कर्मचारी ले बिदा लिएको मितिले ३ महिनाभित्र जन्मदर्ता प्रमाणपत्रको प्रतिलिपि कार्यालयमा पेश गर्नुपर्ने तर नगरेमा यसरी लिएको बिदा अन्य बिदाबाट कट्टा गरिनछ ।
- प्रसुति स्याहार बिदा निजामति कर्मचारी ले सेबा अवधिमा २ पटक मात्र प्राप्त गर्ने
किरिया बिदा -नियम ६०
- आफै किरिया मा बस्नु पर्ने भएमा कुल धर्म अनुसार १५ दिनसम्मको किरिया बिदा पाइन्छ ।
- बिदा लिएको १५ दिनभित्र मृत्यु भएको व्यक्तिको मृत्युदर्ता तथा मृतकसँगको नाता खुल्ने प्रमाण पेश गर्नुपर्नेछ
- यदी १५ दिनभित्रमा पनि नाता प्रमाणित नगरेमा निज कर्मचारीको अन्य बिदा बाट यस बिदा कट्टा गरिने व्यवस्था छ ।
अध्यन बिदा -नियम ६१
- नेपाल सरकार बाट छात्रवृत्ति पाएका कर्मचारी ले मात्र यस बिदा प्राप्त गर्नेछन् ।
- सेवा अवधिमा एकैपटक वा एक एक गरी ३ बर्षसम्म बिदा लिन पाउने
- नेपाल सरकारको स्वीकृतीमा बिदालाई २ बर्ष थप गर्न मिल्ने
- अध्यन विदा लिनको लागी सेवा अवधि कम्तिमा ३ बर्ष पुगेको हुनुपर्ने
असाधारण बिदा-नियम ६२
- ५ बर्ष सेवा अवधि नपुगी कुनै पनि निजामति कर्मचारीले असाधारण बिदा बस्न पाउदैनन् र १ पटकमा १ बर्षमा नबढाई सेवा अवधि भरिमा जम्मा ३ बर्ष असाधारण बिदा लिन सकिन्छ ।
- यस्तो बिदाको अवधि सेवा अवधिमा गणना नहुने साथै सो अवधिभरिको तलव पनि पाइदैन
बेतलवी बिदा -नियम ६२ क
- नेपाल सरकारबाट यो बिदा स्वीकृत हुनुपर्छ
- एकै पटकमा वा पटक पटक गरी सेवा अवधि भरि ५ बर्षसम्म बेतलवी बिदा लिन सकिन्छ ।
सट्टा बिदा -नियम ७०
- विमानस्थल, अस्पताल, वारुणयन्त्र, हुलाक, संग्राहलयजस्ता सार्वजनिक बिदाको दिनमा पनि काम गर्नुपर्ने कार्यालयहरुमा कार्यरत निजामती कर्मचारीहरुले सार्वजनिक बिदाको दिन काम गरे वापत सट्टा तलवी बिदा पाउन सक्नेछ ।
- त्येस्तो बिदा १ बर्षमा पालो मिलाई बस्नु पर्नेछ ।
