प्रस्नगत त्रुटी सम्बन्धि लोकसेवा आयोगको जानकारी
२०८० साल असार १६ गते सञ्चालित शाखा अधिकृत प्रथम चरणको परीक्षाका केही प्रश्नका सम्बन्धमा निवेदनहरु प्राप्त भएका छन् । यस विषयमा आयोगको ध्यानाकर्षण भएको छ । स्थापित कार्यप्रणाली अनुरूप आयोगवाट आवश्यक निरूपण हुने छ ।
सर्वसाधारणको जानकारीका लागि:-
१) प्रश्नपत्र निर्माणको कार्य आयोगले विषय विज्ञ/दक्षहरू मार्फत गर्दछ।
२) प्राप्त धेरै सेट प्रश्न विज्ञ मार्फत मोडरेशन गरी परीक्षामा प्रयोग गर्नयोग्य केही सेट प्रश्न तयार पारिन्छ ।
३) परीक्षाको निश्चित अवधि अगाडी मात्र केही सेट प्रश्नवाट सौ दिन प्रयोग हुने प्रश्नपत्र कोडको आधारमा (प्रश्न हेरेर होइन) छानिन्छ ।
४) छपाइमा संलग्न कर्मचारीहरू परीक्षा सुरू हुने बेलासम्म सञ्चार सम्पर्क र भैटघाटवाट पूर्णतः विच्छेद रहन्छन् ।
५) परीक्षा सुरू हुने बेलासम्म आयोगका पदाधिकारी र कर्मचारी समेतलाइ सम्बन्धित परीक्षाका प्रश्नवारे थाहा नै हुँदैन, पुरै वेखवर रहन्छन्।
६) सम्बन्धित परीक्षामा प्रश्नहरू के सोधिए भन्ने बारेमा सम्बन्धित परीक्षा सुरू भएपछि मात्र आयोगलाइ थाहा हुन्छ ।
७) परीक्षा सम्पन्न भएपछि प्राप्त उजुरी वा आयोगकै अध्ययनका आधारमा कुनै सुधार गर्नुपर्ने भएमा तत्काल आवश्यक कार्य अगाडी बढाइन्छ ।
८) प्रश्न गलत ठहरिएमा – गलत भएका प्रश्नको सवै परीक्षार्थीले उत्तर दिएको मानी अंक गणना गरिन्छ ।
