बेरुजु र वित्तीय उत्तरदायित्व
| क्र.सं. | लोकसेवा सान्दर्भिक प्रश्न/तथ्य | उत्तर / मुख्य बुँदा |
| १ | "बेरुजु" शब्दको सामान्य अर्थ के हो? | कानुनको कसिमा रुजु हुन नसकेको आर्थिक कारोबार |
| २ | प्रचलित कानुनबमोजिम अपनाउनु पर्ने प्रक्रिया र पद्धति नअपनाई गरिएको आर्थिक कारोबारलाई के भनिन्छ? | बेरुजु |
| ३ | बेरुजुलाई अंग्रेजीमा के भनिन्छ? | Irregularities |
| ४ | बेरुजुको कानुनी परिभाषा कुन ऐनमा व्यवस्था गरिएको छ? | आर्थिक कार्यविधि तथा वित्तीय उत्तरदायित्व ऐन, २०७६ |
| ५ | आर्थिक कार्यविधि तथा वित्तीय उत्तरदायित्व ऐन, २०७६ अनुसार बेरुजु कसले औंल्याएको वा ठहर्याएको हुनुपर्छ? | लेखापरीक्षण गर्दा |
| ६ | रीत नपुर्याई गरेको वा राख्नुपर्ने लेखा नराखेको कारोबारलाई के भनिन्छ? | बेरुजु |
| ७ | अनियमित वा बेमनासिब तरिकाले आर्थिक कारोबार गरेको भनी लेखापरीक्षणमा औंल्याइएको विषय के हो? | बेरुजु |
| ८ | वित्तीय उत्तरदायित्व ऐन कुन सालमा जारी भएको हो? | वि.सं. २०७६ |
| ९ | महालेखा परीक्षक कार्यालयको कतिऔं प्रतिवेदन अनुसार नेपालको कुल बेरुजुको तथ्याङ्क प्रस्तुत छ? | ६२ औं प्रतिवेदन |
| १० | महालेखा परीक्षकको ६२ औं प्रतिवेदन अनुसार हालसम्मको अध्यावधिक बेरुजु कति रहेको छ? | ७ खर्ब ३३ अर्ब १९ करोड रुपैयाँ |
| ११ | वित्तीय प्रशासन र लेखापरीक्षण (अडिट) को सन्दर्भमा बेरुजुलाई मुख्यतया कति प्रकारमा वर्गीकरण गरिन्छ? | २ प्रकारमा (सैद्धान्तिक र लगती बेरुजु) |
| १२ | कुनै निश्चित रकम नजोडिने बेरुजु कुन हो? | सैद्धान्तिक बेरुजु |
| १३ | प्रचलित नीति, नियम, कार्यप्रणाली र आन्तरिक नियन्त्रण प्रणालीको कमजोरीले कस्तो बेरुजु देखिन्छ? | सैद्धान्तिक बेरुजु |
| १४ | कुन बेरुजु प्रणालीगत तथा व्यवस्थापकीय सुधारको लागि प्रोत्साहन स्वरूप औंल्याइन्छ? | सैद्धान्तिक बेरुजु |
| १५ | निश्चित रकम समाविष्ट हुने बेरुजुलाई के भनिन्छ? | लगती बेरुजु |
| १६ | आर्थिक कारोबार (आय, व्यय वा धरौटी) मा त्रुटि, कमी, वा हानि-नोक्सानीबाट उत्पन्न हुने बेरुजु कुन हो? | लगती बेरुजु |
| १७ | निर्धारितभन्दा कम आय हुनु वा स्वीकार्यभन्दा बढी व्यय हुनु कुन बेरुजुको उदाहरण हो? | लगती बेरुजु |
| १८ | लगती बेरुजुलाई कति प्रकारमा विभाजन गरिएको छ? | ३ प्रकारमा |
| १९ | लगती बेरुजुका तीन प्रकारहरू के-के हुन्? | असुल उपर गर्नुपर्ने, नियमित गर्नुपर्ने र पेश्की बेरुजु |
| २० | बेरुजु फछ्र्यौटका लागि आवश्यक प्रमाण कागजात पेश गर्नुपर्ने वर्गीकरण कुन अन्तर्गत पर्दछ? | लगती बेरुजु |
| २१ | आर्थिक कार्यविधि तथा वित्तीय उत्तरदायित्व नियमावली कहिले जारी भएको हो? | आर्थिक कार्यविधि तथा वित्तीय उत्तरदायित्व नियमावली, २०७७ |
| २२ | सार्वजनिक खरिद ऐन कुन सालको हो? | २०६३ |
| २३ | सार्वजनिक खरिद नियमावली कुन सालमा जारी भएको हो? | २०६४ |
| २४ | सुशासन र वित्तीय अनुशासन कायम गर्ने मुख्य अंग कुन हो? | आन्तरिक नियन्त्रण प्रणाली |
| २५ | सार्वजनिक लेखा परीक्षणको सर्वोच्च निकाय कुन हो? | महालेखा परीक्षकको कार्यालय |
| २६ | कानुन बमोजिम भुक्तानी दिन नहुने भुक्तानी दिएको रकम कुन बेरुजुमा पर्छ? | असुल उपर गर्नुपर्ने बेरुजु |
| २७ | घटी असुल गरेको राजस्व कुन शीर्षक अन्तर्गतको बेरुजु हो? | असुल उपर गर्नुपर्ने बेरुजु |
| २८ | हिनामिना, हानी नोक्सानी वा मस्यौट गरेको रकम कुन बेरुजु अन्तर्गत राखिन्छ? | असुल उपर गर्नुपर्ने बेरुजु |
| २९ | नेपाल सरकारलाई तिर्नु बुझाउनु पर्ने अन्य कुनै रकम कलम भुक्तान नगरिएमा कुन बेरुजु हुन्छ? | असुल उपर गर्नुपर्ने बेरुजु |
| ३० | तोकिएको प्रक्रिया, रीत वा अङ्ग पूरा नगरी गरिएको आर्थिक कारोबारलाई के भनिन्छ? | अनियमित भएको बेरुजु |
| ३१ | कारोबारलाई पुष्टि गर्ने आवश्यक बिल, भरपाई वा अभिलेख नहुँदा कस्तो बेरुजु देखिन्छ? | प्रमाण कागजात पेश नगरेको बेरुजु |
| ३२ | नियम अनुसार आगामी वर्षलाई जिम्मेवारी सार्नुपर्ने नगदी, जिन्सी वा राजस्व लगत नसारेमा देखिने बेरुजु कुन हो? | जिम्मेवारी नसारेको बेरुजु |
| ३३ | वैदेशिक स्रोतबाट व्यहोरिने गरी भएको खर्च समयमै शोधभर्ना नलिएमा कस्तो बेरुजु कायम हुन्छ? | सोधभर्ना नलिएको बेरुजु |
| ३४ | कर्मचारी, सङ्घ संस्था वा निर्माण व्यवसायीलाई दिइएको म्याद नाघेको पेश्की फछ्र्यौट नहुँदा कुन बेरुजु रहन्छ? | पेश्की बाँकी बेरुजु |
| ३५ | कर्मचारी पेश्की र संस्थागत पेश्की कुन मुख्य वर्गीकरण अन्तर्गत पर्दछन्? | पेश्की बेरुजु (लगती बेरुजु) |
| ३६ | निर्माण व्यवसायीहरूलाई दिइने अग्रिम भुक्तानी वा 'मोविलाइजेसोन पेश्की' कुन अन्तर्गतको बेरुजु हो? | पेश्की बेरुजु |
| ३७ | लगती बेरुजु भित्र नपर्ने र प्रणालीगत सुधार मात्र बुझाउने बेरुजु कुन हो? | सैद्धान्तिक बेरुजु |
| ३८ | बढी भुक्तानी दिएको वा भुक्तानी दिन नहुने रकम भुक्तानी दिएको विषय लगतीको कुन उप-शीर्षकमा पर्छ? | असुल उपर गर्नुपर्ने |
| ३९ | 'नियमित गर्नुपर्ने बेरुजु' भित्र कतिवटा उप-वर्गहरू वर्गीकृत छन्? | ४ वटा (अनियमित, प्रमाण पेस नगरेको, जिम्मेवारी नसारेको, सोधभर्ना नलिएको) |
| ४० | 'पेश्की बेरुजु' भित्र मुख्य रूपमा कतिवटा वर्गीकरण चार्टमा देखाइएको छ? | ४ वटा (कर्मचारी, संस्थागत, मोविलाइजेसोन, अन्य) |
| ४१ | बजेटरी प्रणालीमा धरौटी रकमको हिनामिना कुन बेरुजुमा समेटिन्छ? | लगती बेरुजु |
| ४२ | कार्यालयमा रहने जिन्सी सामानको स्रेस्ता र बरबुझारथ नगर्दा कुन बेरुजु निम्तिन्छ? | जिम्मेवारी नसारेको |
| ४३ | आर्थिक वर्षको म्याद कहिले समाप्त हुन्छ? | असार मसान्तमा |
| ४४ | पेश्की रकम कहिलेसम्म फछ्र्यौट गरिसक्नुपर्ने कानुनी व्यवस्था छ? | आर्थिक वर्षको अन्तसम्म |
| ४५ | "जिम्मेवारी नसारेको" व्यहोरा लगती बेरुजुको कुन विधामा पर्दछ? | नियमित गर्नुपर्ने |
| ४६ | आर्थिक वर्षको अन्तसम्म म्याद नाघेको तर फछ्र्यौट नभएको कर्मचारी सापटी कुन विधामा पर्छ? | पेश्की बाँकी |
| ४७ | मलेप प्रतिवेदनले देखाएको असुलउपर गर्नुपर्ने बेरुजु कहाँ दाखिला गर्नुपर्छ? | सरकारी कोषमा |
| ४८ | "मस्यौट" को अर्थ के हो? | सरकारी रकम वा जिन्सी हिनामिना/घोटला गर्नु |
| ४९ | राजस्व चुहावट वा घटी असुली कुन प्रकारको लगती बेरुजु हो? | असुल उपर गर्नुपर्ने |
| ५० | प्रणाली सुधार्न दिइने राय वा सुझावसँग सम्बन्धित बेरुजु कुन हो? | सैद्धान्तिक बेरुजु |
| ५१ | सरकारी स्रोतको उपयोगमा बेरुजु किन आउँछ? | कानुनी मापदण्डको वेवास्ता र त्रुटिपूर्ण लेखांकन प्रक्रियाले |
| ५२ | ठूला र साना सबै कार्यालयलाई एउटै कानुनको व्यवस्था हुँदा के समस्या देखिन्छ? | ऐन र नियमहरू बुझ्न र पालना गर्न अस्पष्टता |
| ५३ | आर्थिक कार्यविधि नियमावली र सार्वजनिक खरिद नियमावली पूर्ण पालना नगर्दा के असर पर्छ? | खर्चको प्रमाणीकरण नमिल्ने |
| ५४ | बजेट शीर्षक उल्लंघन गरी अन्य शीर्षकमा खर्च गर्दा के कमजोर हुन्छ? | बजेट अनुशासन |
| ५५ | बजेट शीर्षक अनुसार खर्च नगर्नु कुन अनुशासनको उल्लंघन हो? | वित्तीय/बजेटरी अनुशासन |
| ५६ | महालेखापरीक्षकले तोकेको फारामलाई के भनिन्छ? | मलेप फाराम (म.ले.प. फाराम) |
| ५७ | मलेप फाराम तथा लेखा मानअनुसार लेखा नराख्दा के समस्या आउँछ? | तथ्याङ्क मेल नखाने र अभिलेख अधुरो हुने |
| ५८ | ऐन नियमका दफाहरूको विभिन्न व्याख्या हुनु कुन कमजोरी हो? | बेरुजु उठानको आधार अस्पष्ट र कानुनी बुझाइको भिन्नता |
| ५९ | कार्यालयभित्र कमजोर आन्तरिक नियन्त्रण प्रणाली हुँदा कुन-कुन क्षेत्रमा मिलान हुँदैन? | लेखा, जिन्सी, नगद तथा पेश्की |
| ६० | समयमा आन्तरिक लेखापरीक्षण नगर्नु वा ढिलाइ गर्नुको परिणाम के हुन्छ? | सानो बेरुजुको मात्रा बढ्दै जाने |
| ६१ | बेरुजु फछ्र्यौटका लागि जिम्मेवार प्रमुख पदाधिकारीहरू को-को हुन्? | कार्यालय प्रमुख, लेखा प्रमुख र जिन्सी प्रमुख |
| ६२ | कार्यालय प्रमुख र लेखा प्रमुख जिम्मेवार नहुँदा कुन सिफारिस कार्यान्वयन हुँदैनन्? | लेखापरीक्षणका सिफारिसहरू |
| ६३ | लेखापरीक्षणका बेला आवश्यक तथ्याङ्क र प्रमाण नदिँदा के हुन्छ? | धेरै रकम बेरुजुमा परिणत हुने |
| ६४ | मातहत कार्यालयहरूको अनुगमन प्रभावकारी नहुने समस्या कसको हो? | तालुक कार्यालयको |
| ६५ | आन्तरिक वा बाह्य लेखापरीक्षण ढिलाइ हुनुको मुख्य नोक्सान के हो? | त्रुटि पछि मात्र देखिने र तत्काल सच्याउन नसकिने |
| ६६ | कर्मचारीमा सीप र ज्ञानको कमी कुन विधासँग सम्बन्धित छ? | आर्थिक नियम, लेखापरीक्षण मापदण्ड र लेखा पद्धति |
| ६७ | बिल, रसिद, दरखास्त र अनुविधि नराखी भुक्तानी गर्ने चलनलाई के भनिन्छ? | प्रमाण कागजातको अभाव |
| ६८ | बेरुजुलाई कुन-कुन वृत्तिविकासका पक्षसँग नजोड्दा कर्मचारीले बेरुजु घटाउन चासो दिँदैनन्? | सरुवा, बढुवा, पुरस्कार, दण्ड-सजाय र कार्यसम्पादन मूल्याङ्कन (कासमू) |
| ६९ | लेखा र जिन्सी कर्मचारीहरूमा कुन कुराको कमीले गलत लेखांकन हुन्छ? | पर्याप्त कार्यगत सीप र ज्ञानको कमी |
| ७० | पेश्की तथा स्टक फछ्र्यौटमा लापरवाही हुनु कुन कमजोरी हो? | व्यवस्थापकीय तथा जवाफदेहिताको कमजोरी |
| ७१ | तालुक कार्यालयले कस्तो अनुगमन गर्नुपर्दछ? | मातहत कार्यालयहरूको लेखा, खर्च र जिन्सीको प्रभावकारी अनुगमन |
| ७२ | आन्तरिक लेखापरीक्षण प्रभावहीन हुनुको मुख्य कारण के हो? | समयमै लेखापरीक्षण नगर्नु र पहिचान भएका त्रुटि सच्याउन ढिलाइ गर्नु |
| ७३ | कुन ऐनको पालना कमजोर हुँदा बजेट अनुशासन कमजोर हुन्छ? | आर्थिक कार्यविधि तथा वित्तीय उत्तरदायित्व ऐन |
| ७४ | प्रमाण कागजात बिना भुक्तानी दिने परिपाटीले लेखापरीक्षणमा के असर पार्छ? | भुक्तानी गरिएको रकम बेरुजुमा देखिने |
| ७५ | कस्तो कानुनी व्यवस्थाले द्विविधा उत्पन्न भई बेरुजु बढ्छ? | एउटै, अस्पष्ट र दोहोरो अर्थ लाग्ने कानुन |
| ७६ | बेरुजु न्यूनीकरणको पहिलो र मुख्य उपाय के हो? | प्रचलित ऐन नियम तथा कानुनको पूर्ण परिपालना गर्ने |
| ७७ | कार्यालयहरूले अनियमितता सुरुमै रोक्न कुन संयन्त्र सुदृढ गर्नुपर्छ? | आन्तरिक नियन्त्रण प्रणाली |
| ७८ | लेखा र लेखापरीक्षण कार्यहरूलाई चुस्त बनाउन के आवश्यक छ? | सूचना प्रविधिको प्रयोग |
| ७९ | बेरुजु फछ्र्यौट गर्ने कार्यलाई उच्च प्राथमिकता दिने मुख्य दायित्व कसको हो? | लेखा उत्तरदायी अधिकृत (कार्यालय प्रमुख) |
| ८० | असुलउपर गर्नुपर्ने भनी औंल्याइएको बेरुजु रकमलाई तोकिएको समयभित्रै कहाँ दाखिला गर्नुपर्छ? | सरकारी कोषमा |
| ८१ | आर्थिक क्षेत्रमा वित्तीय अनुशासन कायम गर्न के-के कुराको अनुगमन हुनुपर्छ? | सार्वजनिक खरिद, आयोजना व्यवस्थापन र बजेट कार्यान्वयन |
| ८२ | बेरुजु फछ्र्यौटलाई प्रभावकारी बनाउन कर्मचारीको के-के कुरासँग आवद्ध गर्नुपर्छ? | कार्यसम्पादन मूल्याङ्कन, बढुवा र नयाँ जिम्मेवारी |
| ८३ | खरिद कार्यमा टुक्रा-टुक्रा पारेर गरिने खर्च (Splitting) रोक्न के गर्नुपर्छ? | वार्षिक खरिद योजना बनाएर मात्र काम सुरु गर्ने |
| ८४ | पुराना बेरुजुहरूको वर्गीकरण गरी फछ्र्यौट गर्न के तयार पार्नुपर्छ? | समयतालिका सहितको 'बेरुजु फछ्र्यौट कार्ययोजना' |
| ८५ | लेखापरीक्षणका समयमा पुराना बेरुजुको लगत कट्टा गराउने प्रक्रियालाई के भनिन्छ? | सम्परीक्षण (Audit Settlement) |
| ८६ | सार्वजनिक निकायहरूले कुन-कुन निकायको विशिष्ट निर्देशनको पालना गर्नुपर्छ? | सार्वजनिक लेखा समिति र महालेखा परीक्षकको कार्यालय |
| ८७ | CGAS को पूर्ण रूप के हो? | Computerized Government Accounting System |
| ८८ | स्थानीय तहका लागि प्रयोग गरिने लेखांकन सफ्टवेयर कुन हो? | SuTRA |
| ८९ | CGAS र SuTRA को प्रयोगले लेखा प्रणालीमा कस्तो सुधार ल्याउँछ? | प्रविधिमैत्री लेखांकन र कागजी त्रुटिको न्यूनीकरण |
| ९० | कार्यसम्पादन मूल्याङ्कन (Performance Appraisal) गर्दा वेरुजु फछ्र्यौटको प्रतिशतलाई के गर्नुपर्छ? | अनिवार्य अङ्कभार दिने व्यवस्था गर्ने |
| ९१ | स्थानीय पालिका र सरकारी कार्यालयहरूमा उत्कृष्ट कार्य गर्नेलाई पुरस्कृत गर्न कुन अभियान चलाउन सकिन्छ? | शून्य बेरुजु अभियान (Zero Beruju Campaign) |
| ९२ | असुलउपर गर्नुपर्ने बेरुजु समयमै नतिरेमा महालेखा परीक्षकको कार्यालयले कस्तो कडा कदम चाल्न सुझाव दिएको छ? | चल-अचल सम्पत्ति रोक्का, बैंक खाता फ्रिज वा पासपोर्ट जफत |
| ९३ | उपभोक्ता समिति र निर्माण व्यवसायीमार्फत हुने कामलाई पारदर्शी बनाउन कुन माध्यम प्रयोग गर्नुपर्छ? | नियमित अनुगमन र सार्वजनिक सुनुवाइ |
| ९४ | समयमा आन्तरिक लेखापरीक्षण गरी त्रुटि फछ्र्यौट गर्नु कुन उपाय हो? | आन्तरिक लेखापरीक्षण सबलीकरण |
| ९५ | ठूला भुक्तानी हुनुअघि नै कागजात र प्रक्रिया पुगे/नपुगेको आन्तरिक लेखापालबाट अनिवार्य जाँच गराउने विधिलाई के भनिन्छ? | पूर्व-लेखापरीक्षण (Pre-Audit) |
| ९६ | आर्थिक कारोबारमा पारदर्शिता ल्याउन नियम कानुनको कस्तो पालना हुनुपर्छ? | अक्षरशः पालना |
| ९७ | वित्तीय अनुशासन कायम गर्न कस्तो नीति अवलम्बन गर्नुपर्छ? | शून्य सहनशीलता (Zero Tolerance) |
| ९८ | वित्तीय प्रशासनमा संलग्न जनशक्तिको कुन पक्ष सबल बनाउनु पर्दछ? | कार्यगत क्षमता विकास |
| ९९ | बेरुजुमुक्त सार्वजनिक व्यवस्थापनको मुख्य लक्ष्य के हो? | आर्थिक पारदर्शिता, जवाफदेहिता र असल वित्तीय सुशासन |
| १०० | बेरुजु न्यूनीकरणको अन्तिम गन्तव्य के हो? | शून्य बेरुजु तथा व्यवस्थित सार्वजनिक वित्तीय व्यवस्थापन |
