- काठमाडौं । अन्तर्राष्ट्रिय प्रहरी अपराध संगठन (इन्टरपोल)को भिडियो प्रतियोगितामा नेपाल प्रहरी सर्वोत्कृष्ट घोषित भएको छ ।
- इन्टरपोलले आफ्नो ९१औं महासभामाको अवरमा आयोजना गरेको भिडियो प्रतियोगितामा सहभागी भएको नेपाल प्रहरीको भिडियो सर्वोत्कृष्ट घोषित भएको हो ।
- भिडियो प्रहरी निरीक्षक इन्स्पेक्टरद्धय नारायण थापा र उमेश गुरुङ श्रेष्ठले निर्माण गरेका थिए ।
- भिडियोमा जलवायु परिवर्तन, प्राकृतिक प्रकोप, एआईका कारण भविष्यमा हुनसक्ने समस्याहरू समाधान गर्न र दिगो विकासको लक्ष्य प्राप्त गर्न ईन्टरपोलको अहम् भूमिका हुने विषय समेटिएको थियो ।
- इन्टरपोलका अध्यक्ष मेजर जनरल डा.अहमद नासेर ए.एलले नेपाल प्रहरीलाई सम्मान स्वरूप प्रमाणपत्र प्रदान गरेका थिए । प्रहरी महानिरीक्षक बसन्त बहादुर कुँवर इन्टरपोलको ९१औं महासभामा सहभागी हुन मंसिर १० गते अष्ट्रिया प्रस्थान गरेका थिए ।
अन्तर्राष्ट्रिय प्रहरी अपराध संगठन इन्टरपोलको भिडियो प्रतियोगितामा नेपाल प्रहरी सर्वोत्कृष्ट घोषित
