भित्री ग्रहहरू (Inner Planets) र बाहिरी ग्रहहरू (Outer Planets)

• सौर्यमण्डलका ८ ग्रहहरूलाई तिनीहरूको बनोट, अवस्थिति र विशेषताका आधारमा भित्री ग्रहहरू (Inner Planets) र बाहिरी ग्रहहरू (Outer Planets) गरी दुई भागमा विभाजन गरिएको,
• यिनीहरूलाई बीचमा रहेको क्षुद्रग्रहको पेटी (Asteroid Belt) ले छुट्याउँछ,

१.) भित्री ग्रहहरू (Inner Planets)

• यी ग्रहहरू सूर्यको नजिक रहेका छन् र मुख्यतया चट्टान तथा धातुहरूले बनेका हुन्छन्,
• समावेश ग्रहहरू: बुध (Mercury), शुक्र (Venus), पृथ्वी (Earth), र मङ्गल (Mars)
• भौतिक बनोट: यिनीहरूको सतह ठोस र चट्टानी हुन्छ, जसका कारण यिनीहरूलाई धरातलीय ग्रह (Terrestrial Planets) भनिन्छ,
• आकार: बाहिरी ग्रहहरूको तुलनामा यिनीहरूको आकार सानो हुन्छ,
• वायुमण्डल: यिनीहरूको वायुमण्डल पातलोदेखि निकै बाक्लो (जस्तै शुक्र) सम्म हुन सक्छ
• उपग्रह (Moons): यिनीहरूको उपग्रह संख्या एकदमै कम हुन्छ (बुध र शुक्रको एउटै छैन, पृथ्वीको १ र मङ्गलको २ वटा छ)

२.) बाहिरी ग्रहहरू (Outer Planets)

• यी ग्रहहरू सूर्यबाट एकदम दुरीमा रहेका छन् र मुख्यतया ग्याँसले बनेका हुन्छन्,
• समावेश ग्रहहरू: वृहस्पति (Jupiter), शनि (Saturn), अरुण (Uranus) र वरुण (Neptune)
• भौतिक बनोट: भित्री ग्रहहरु जस्तो यिनीहरूको निश्चित ठोस सतह हुँदैन; यी ग्रहहरु मुख्यतया ग्यास र बरफले बनेका हुन्छन् त्यसैले यिनीहरुलाई Jovian Planets भनिन्छ,
• आकार: भित्री ग्रहहरुको तुलनामा यिनीहरू आकारमा निकै विशाल हुन्छन्; त्यसैले यिनीहरूलाई ग्यास दिग्गज (Gas Giants) वा बरफ दिग्गज (Ice Giants) पनि भनिन्छ,
• उपग्रह: यिनीहरूसँग अत्यधिक संख्यामा उपग्रहहरू (चन्द्रमाहरू) हुन्छन्,
• चक्र (Rings): यी सबै ग्रहहरूको वरिपरि धुलो, चट्टान र बरफले बनेका चक्रहरू (Rings) हुन्छन्,