नेपाल राजपत्र

परिचय र ऐतिहासिक पृष्ठभूमि:

• शुरुआत: वि.सं. २००८ साल साउन २२ गते (सर्वप्रथम "'नेपाल गजेट" को रूपमा प्रकाशन सुरु)
• नाम संशोधन: वि.सं. २०२३ साल माघ १७ गते "नेपाल गजेट" बाट नाम संशोधन गरी "नेपाल राजपत्र" कायम गरिएको,
• प्रकृति: नेपाल सरकारको आधिकारिक प्रकाशन
• प्रकाशन गर्ने निकाय: सञ्चार तथा सूचना प्रविधि मन्त्रालय अन्तर्गतको मुद्रण विभाग
• मुख्य उद्देश्य: राष्ट्राध्यक्षका सम्बोधन, ऐन, अध्यादेश, नियम र महत्त्वपूर्ण सरकारी निर्णयहरूलाई वैधानिकता दिँदै नागरिकको सूचनाको हक सुनिश्चित गर्नु,

प्रमाणीकरण र प्रकाशन प्रक्रिया:

• राजपत्रमा सामग्री प्रकाशन गर्नुपूर्व सरोकारवाला मन्त्रालय/विभागबाट आधिकारिक प्रमाणीकरण अनिवार्य छ:
  • ऐन, अध्यादेश वा सन्धि भए: कानून मन्त्रालयका सचिवद्वारा प्रमाणित
  • नियम/नियमावली भए: सम्बन्धित मन्त्रालयका सचिवद्वारा प्रमाणित
  • अन्य सूचना भए: सम्बन्धित मन्त्रालयका सचिव वा निजले अख्तियारी दिएको कम्तिमा राजपत्राङ्कित द्वितीय श्रेणीको अधिकृतद्वारा प्रमाणित
  • विशेष शर्त: राजपत्रमा प्रकाशन हुने सबै सूचनाहरू कानून मन्त्रालयबाट अनिवार्य रूपमा सम्पादन गरिएको हुनुपर्दछ,

प्रकाशनका प्रकार (तरिका):

१.) सङ्ख्या (नियमित अङ्क):

• मन्त्रिपरिषद्‌बाट पारित सूचना तथा नियमावलीहरू (ऐन र अध्यादेश बाहेक) यसमा छापिन्छन्,
• वि.सं. २००८ देखि २०७८/११/१८ सम्म हप्ताको एक पटक (सोमबार) मात्र प्रकाशन हुने गरेकोमा, वि.सं. २०७८ फागुन १९ गतेदेखि हप्ताको दुई पटक (सोमबार र बिहीबार) प्रकाशन गरिँदै आएको,

२.) अतिरिक्ताङ्क:

• संविधान, ऐन, अध्यादेश, नियमावली तथा मन्त्रिपरिषद्‌बाट पारित जरुरी सूचनाहरू जुन मितिदेखि नै लागू गर्नु पर्ने हो, सोही मिति उल्लेख गरी आकस्मिक रूपमा प्रकाशन गरिने राजपत्र,

नेपाल राजपत्रका भागहरू (वर्गीकरण):

• राजपत्रमा प्रकाशित हुने सामाग्रीको महत्त्व र गाम्भीर्यताका आधारमा यसलाई ६ भागमा विभाजन गरिएको,

स्वीकृत राजश्व तथा मूल्य दररेट (लागू मिति: २०८० वैशाख १ गते)

१.) वार्षिक सदस्यता शुल्क (Annual Membership):

• हुलाकबाट रजिष्ट्री गरी पठाउँदा: रु. ३,०००/-
• मुद्रण विभाग मार्फत सदस्यलाई बुझाउँदा: रु. ३,०००/-
• मुद्रण विभागमा स्वयं आफै उपस्थित भई बुझिलिँदा: रु. १,८००/-

२.) फुटकर बिक्री मूल्य (Retail Price):

सदस्य नभएका व्यक्ति वा संघ-संस्थाका लागि पेज सङ्ख्याका आधारमा प्रति-प्रति मूल्य निम्न बमोजिम तोकिएको;