संवैधानिक परिषद् सम्बन्धी व्यवस्था
- प्रधान न्यायाधीश र संवैधानिक निकायका प्रमुख एवं पदाधिकारीहरूको नियुक्तिको सिफारिस गर्न नेपालको संविधानमा एक संवैधानिक परिषद्को व्यवस्था गरिएको,
- नेपालको संविधानको धारा २८४ मा व्यवस्था गरिएको,
परिषद्को संरचना (अध्यक्ष र सदस्यहरू):
| पद | पदाधिकारी |
| अध्यक्ष | प्रधानमन्त्री |
| सदस्य | प्रधान न्यायाधीश |
| सदस्य | प्रतिनिधि सभाको सभामुख |
| सदस्य | राष्ट्रिय सभाको अध्यक्ष |
| सदस्य | प्रतिनिधि सभाको विपक्षी दलको नेता |
| सदस्य | प्रतिनिधि सभाको उपसभामुख |
विशेष द्रष्टव्य: प्रधान न्यायाधीशको पद रिक्त भएको अवस्थामा उनको नियुक्तिको सिफारिस गर्दा नेपाल सरकारको कानून तथा न्याय मन्त्री पनि सदस्यको रूपमा रहने व्यवस्था,
- प्रधान न्यायाधीशको पद रिक्त भएको अवस्थामा सो पदको नियुक्तिको सिफारिस गर्दा नेपाल सरकारको कानून तथा न्याय मन्त्री सदस्यको रूपमा रहने,
- सामान्यतया पद रिक्त हुनुभन्दा एक महिना अगावै नियुक्तिका लागि सिफारिस गर्नुपर्ने,
- मृत्यु वा राजीनामाका कारण पद रिक्त भएमा रिक्त भएको मितिले एक महिनाभित्र पदपूर्ति हुने गरी सिफारिस गर्नुपर्ने,
- परिषद्को अन्य काम, कर्तव्य, अधिकार र नियुक्ति सम्बन्धी कार्यविधि संघीय कानून बमोजिम हुने,
- नेपाल सरकारको मुख्य सचिवले संवैधानिक परिषद्को सचिव भई काम गर्ने,
