पोखरा पर्यटकीय राजधानी घोषणा
कास्की जिल्लाको पोखरा शहरलाई औपचारिक रुपमा पर्यटकीय राजधानी घोषणा गरिएको छ ।
- पोखरालाई पर्यटकीय राजधानी घोषणा गरिएको मिति – २०८०/१२/०४
पोखरा महोत्सवको अवसरमा प्रधानमन्त्री पुष्पकमल दाहाल प्रचण्डले पोखरालाई नेपालको पर्यटन राजधानी घोषणा गरेका हुन् ।
प्राकृतिक, साँस्कृतिक साहसिक क्षेत्रको दृष्टिले अनुपम, विश्वकै शीर्ष पर्यटकीय गन्तव्यको रुपमा ख्याती प्राप्त सुन्दर पोखरालाई मुलुककै पर्यटकीय राजधानीको रुपमा औपचारिक रुपमा घोषणा गरिएको हो।
वि.सं. २०७८ कात्तिकमा गण्डकी प्रदेश सरकारले पोखरालाई पर्यटकीय राजधानी घोषणाका लागि संघीय सरकारलाई अनुरोध गर्ने निर्णय गरेको थियो र वि.सं. २०८०, चैत्र ४ गते आइतबारको दिन प्रधानमन्त्री पुष्पकमल दहालको मन्त्रिपरिषद्ले पोखरा शहरलाई औपचारिक रुपमा पर्यटकीय राजधानी घोषणा गरेको छ।
